Топ-100
Back

ⓘ Дом па вуліцы Лазарэнкі, 7. У будынку размяшчаўся выцвярэзнік. З 2006 года не эксплуатаваўся і пакрысе разбураўся. У 2007 годзе, калі на адкрыццё новай транспар ..




                                     

ⓘ Дом па вуліцы Лазарэнкі, 7

У будынку размяшчаўся выцвярэзнік. З 2006 года не эксплуатаваўся і пакрысе разбураўся.

У 2007 годзе, калі на адкрыццё новай транспартнай развязкі з мостам цераз Дубравенку прыязджаў прэзідэнт Беларусі Аляксандр Лукашэнка, занядбаныя будынкі па вуліцы Лазарэнкі хавалі за банернай сеткай.

У 2013 годзе Магілёўскі гарвыканкам сумесна з Магілёўскім аблвыканкамам падрыхтавалі навуковае абгрунтаванне на вывад будынкаў № 5, 7, 13 і 15 са Спісу гісторыка-культурных каштоўнасцей Рэспублікі Беларусь. Меркавалася, што гэта дазволіць інвестарам у разы скараціць тэрміны і выдаткі на рэканструкцыю будынкаў. 27 лістапада 2013 года Беларуская рэспубліканская навукова-метадычная рада па пытаннях гісторыка-культурнай спадчыны пры Міністэрстве культуры Рэспублікі Беларусь прыняла рашэнне пазбавіць гэтыя дамы статусу гісторыка-культурных каштоўнасцей.

Пазбаўленне статусу выклікала шырокі грамадскі рэзананс. Ад імя Беларускага добраахвотнага таварыства аховы помнікаў з мэтай не дапусціць разбурэння будынкаў была пададзена скарга ў Генеральную пракуратуру, якая заблакавала папярэдняе рашэнне.

У 2015 годзе будынак быў прададзены за амаль 902 млн беларускіх рублёў пад адміністрацыйна-гандлёвы ці культурна-дзелавы аб’ект.

9 чэрвеня 2017 года познім вечарам у будынку адбыўся пажар. Пажарам знішчана 100 м² даху і 50 м² перакрыццяў.